Foto propiedade de ORBALLO
O pasado domingo a asociación folclórica Orballo organizou en Pontedeume a XXX edición do Día da Muiñeira. O acto reuniu a varias entidade culturais que traballan a cotío no eido do folklore galego. Un total de 203 bailaríns participaron na cita que, sumados os membros da organización, aproximouse a unhas 250 persoas.
Foto propiedade de ORBALLO
En concreto tomaron parte nesta festa popular a asociación cultural Troula de Ortegal; a escola de baile tradicional do Padroado de Cultura de Narón; a agrupación artística e cultural Semente Nova, de Perillo; a asociación cultural R.D. O Castro, de Miño; Airiños do Frade, de San Martiño do Porto; Escola de Baile e Pandeireta “Mario Escudero”, de Ferrol; o colexio O Graxal, do Temple (Cambre), e a entidade organizadora, a asociación folclórica e cultural Orballo de Pontedeume.
Foto propiedade de ORBALLO
O acto, que tivo como pregoeiro ao bibliotecario eumés Alexandre Caínzos, comezou coas formación reunidas na Alameda de Raxoi, continuou cun pasarrúas polo centro da vila e rematou coas diferentes actuacións no paseo marítimo de Pontedeume.
Fonte do texto: www.diariodeferrol.com
